المحاولة :عناصرها .صورها.بشكل بسيط ومفهوم وبالدريجة

1. #المـحاولة 

 هي واحد الجريمة كايجي المجرم كيبدل فيها الجهد ديالو باش يحقق لينا نتيجة إجرامية معينة بلا ما تكمل ديك لعمملية لشي ظروف مكانش متوقعها تخرجلو ... دونك هي جريمة غير تامة حينت مكتحققش فيها نتيجة الاجرامية واخ هكاك القانون كيعاقب عليها في حدود معينة ... وهادشي بالرجوع للفصل ديال المحاولة اللي هو 114 ق . ج
 "كل محاولة ارتكاب جناية بدت بالشروع في تنفيذها أو بأعمال لا لبس فيها تهدف مباشرة إلى ارتكابها إذا لم يوقف تنفيذها أو لم يحصل الأثر المتوخى مهنا إلا لظروف خارجة عن إرادة مرتكبيها، تعتبر كالجناية التامة ويعاقب عليها بهدف الصفة" 
 هاد الفصل كيقوليك أنه أي محاولة ديال إرتكاب جناية بدات ف التنفيذ ديالها و بديتي كتصمم وكتخطط ليها وحضرتي اللوازم بأعمال مافيهاش شك باللي باغي ترتاكبها ( بحال اللوازم والسلاح وأدواة ولا ملابس ... الخ ) وما وصلتيش لذاك الهدف الإجرامي لشي سبب من الأسباب خرج ليك من جنب مكنتيش متوقعو وهادي كتعتابر بحالها بحال الجناية التامة و القانون غادي يعاقبك .
2-عنـاصر المحـاولة : هما كاينين غير جوج 
 أولا *الشروع أو البدء في التنفيذ : ويعني أن المجرم يبدأ و يشرع في تنفيذ الركن المادي للجريمة بأي عمل يهدف إلى تحقيق نتيجتها، فيه يهدف مباشرة من ورائه إلى تحقيق جريمته . وباش نقربو كثر مثلا المجرم صاف خدا السيف و دار ماصك و هز صاك معاه وقصد الفيلا باش يسرق وفتح الباب ومشا للبيت اللي بغا يهز منو ذهب .
* العدول الإرادي : هاد العنصر كينقسم لشقين 
 الأول : عدول إختياري : كيتخلى على التنفد ديال ديك الجريمة مثلا ماللي كيدخل وكيبدا يقول وناري والا تشديت وا الحبس وا ميمتي وا هاد الناس عندهم الكال فالدولة ويغرقوني وكيتنادم معاه الحال وكيختار أنه يخرج من لفيلا بلاما يسرق . 
 الثاني : عدول إضطراري بمعنى بز منو يتراجع أو ما يسمى بالرجوع الإجباري هو مجبر باش يرجع ميكملش العملية لسبب خرجلو من الجنب مكانش متوقعو . باختصار يتراجع عن تنفيذ جريمته بسبب خارج عن إرادته. مثلا هو مخطط أنه الفيلا خاوية مفيها حتا واحد حيث كان ديجا كيترصدهم وملي دخل للبيت اللي غيهز منو الذهب لقاه خاوي وشويا البيت اللي حداه ناعسة فيها خدامة جابوها جديدة وسمعات التقرقيب وناضت وبدات كتغوت والسارق سمع الغوت وهرب ههه دونك خرجاتليه من جنب . فهذا عدول غير إرادي.
3- صـور المحـاولة : 
 *الجريمة الموقوفة : وهي التي تقف فيها أعمال التنفيذ لأسباب خارجية عن إرادة الجاني
 بحال مثلا طبيب تافق الممرضة ديالو باللي غادي يديرو الاجهاض لواحد المرا بالرضى ديالها فدارها وهز الدوزان والمسائل ودخل عندها ياله لبس لحوايج وحط داكشي دخلو لبوليس وشدوه ... يعني هاد السبب مكانش دايرو فبالو حيث كون كان عارف البوليس غيجيو مكانش غيقوم بعملية الاجهاض 
 *الجريمة الخائبة : هي كل جريمة لم تتحقق نتيجتها بلاما يتدخل أي سبب من الأسباب الخارجية واخ كمل وطبق كاع الشروط اللي كتحقق النتيجة على حقها وطريقها ههه مي خاب ظنه ... مثلا شفار فالطوبيس كيخشي إيدو فجيب ديالك باش يسرق التيليفون ولكن ما كيلقى والو ههه وكي قول مع راسو تفو تا صدق لبلان وكملت العملية وكدا وملقيت والو 😕😕 
 *الجريمة المستحيلة : وهي الجريمة التي لا يمكن فيها أن تتحقق فيها النتيجة الإجرامية لأن ذلك مستحيل و غير ممكن و مثال ذلك « محاولة إجهاض امرأة وهي غير حامل " ولا تقتل شي واحد اللي ديجا مات ب 3 سوايع ههه . وفي الأخير بون كوراج ..
شكرا لك أمجد راك طووووب
وحتا الاخ بدروفيتش